قـآلت لـي أمي ..!

:


قالت لي أمي ياولدي شف [ شبابك ]
وارفق على نفسك ترا الناس شافوك
،
شافوك متغير وحاضر غيابك
ومتشتت فكرك وللهم [ مملوك ]
،
وقالت لي أسمع كنت أحس بصوابك
أبكي دموعي هم وأشكي على [ أبوك ]
،
كنت أرتجي ظلك وماطر سحابك
ونسمة هواك اتشيل عن دربي [ الشوك ]
،
أرضى عذابي لجل أشتت عذابك
مابي تحس إنك إذا طحت [ متروك ]
،
عهد الطفولة كنت أحضن ثيابك
لارحت تدرس وانتظرهم [ يردوك ]
،
وأشرب بقايا مابقا من شرابك
لارحت [ مستعجل ] وخايف يخلوك
،
أساعدك تحفظ .. أجلد كتابك
[ اضمك ] إن ردّيتْ متعب ومنهوك
،
اليوم ليش اليوم زاد اكتئابك
واللي يبونك .. من سواياك [ عافوك ]
،
لا ياولدي أرحم [ فؤاد ] حيا بك
لا تقطعه أحزان . وجروح . وشكوك
،
قل لي علامك [ قافل ] اليوم بابك
عن ربعك و ناسك كفا باب مصكوك
،
والناس اللي [ تحرق ] لهم مابقاك
ما اظنهم كثر الذي فيك [ حبّــوك ]
،
ابسألك وانطر حبيبي جوابك
تدري بأن الناس [ مافـ/يوم حسّوك ]
،
امسح دموعك لايخيب [ الرجا بك ]
مانت الذي يضعف [ وينهار أرجوك ]
،
وقفت ... وأنا ساكت وفكري متشابك
وجسمي كأنه بالسياجات [ مشبوك ]
،
ناديتها [ يمّه ] .. ذبحني عتابكْ
تكفين يمّه .. [ خلي الباب مصكوكْ ]



: